tg-me.com/aryentvnews/57951
Last Update:
🔻ناوەند خەوەرڕەسانی و چاپەمەنی هێزەیل پاراستن گەل-هەپەگە وەبڵاوکردن ئاشکرا کرد، لە هەرێم ڕووژئاوای زاپ ٤ پەهپاد ئەرتش داگیرکەر تورکیە خریاسە خوار.
لەبەیانیەگەی هەپەگە هاتیە، لە ڕووژەیل هەڤدە، هەژدە و نوزدەی ژۆئەن گەریلایەیل ئازادی کوردستان وە چەک تاکەکەسی و نیشانەشکن لە مەیدانەیل بەرخوەدان شاخ ئف ئم، ئامێدی و جودی لە ڕووژئاوای زاپ، ٤ پەهپاد ئەرتش داگیرکەر تورکیە خستنەسە خوار.
لە ئی بەیانیە ئزافە کریاس، لە هەمان ڕووژەیل گەریلایەیل لە ناوچەیل جیاواز بەردەوام زەربە لە داگیرکەرەیل وەشاننە و ناچاریان کردنە جموجیل داگیرکەرانەی خوەیان بوسنن.
لە یەکیگ وە ئی چالاکیەیلە، کامێرێگ چاودێری لە لەبەین بریاس و زەربە لە سەنگەر داگیرکەرەیلیش وەشیاس.
هەپەگە ئاماژە کردیەسە هێرشەیل داگیرکەرانە تورکیە و وەکاربریان تەقەمەنی قەیەخەکریاگ دژ وە گەریلا و نویساس، لە ڕووژەیل ١٨ و ١٩ لە ڕووژئاوای زاپ تونڵەیل شەڕ وە چەک قەیەخەکریاگ و پەهپاد جەنگی بۆمواران کریاس.
هەرویجورە لە ڕووژەیل ١٧، ١٨ و ١٩ ئی مانگە، قەندیل، خاکورک، گارە، مەتینا و ڕووژئاوای زاپ وەگشتی ١٦ جار وە تەیارەی شەڕکەر و هەلیکۆپتر کریاسە ئامانج.
@aryentvnews
BY Aryen TV
![](https://photo.tg-me.com/u/cdn4.cdn-telegram.org/file/atC81SmiifIaO1lVuqyvXymT26Zs_kF19QgqV-y3ioclYats_LLD2L2IaHRBy8IgxIdtHc0d65ztwOa99rHlbePOVeHtlAfv_AOAnri1_Nc6rlxAgvruX_k-52y9vLDHqUjot_7Puw28Pg89bS7EvlYbc2myfBuy-T2SNRIoyNZpsAaXNEHPQJI0ceg7um5kNjZJ9DuzKfNs-0IDKX7qvDib9KmXgfHn7-MVtCxn7qK4OWZ69ldXbTtYFmZYIJr2y7ZyrogocjVSSZY-b5qaQGzHokGqruQKaYYy9WxHe_vVY2EGbXeIT_P5rVtm1wvvjsKMgELHj0K2TGGUCfUmtg.jpg)
Share with your friend now:
tg-me.com/aryentvnews/57951